قصيدة يا مدلـعـه للشاعر محمد الشهري...

هـذي قـصـيــدة اعـجـبـتـنــي واحـبـبـت انـقـلـهــا لـكــم

يامدلّعه.. لاتدّعين الضيق .. وانتـي فـي سعـه

الضيق للي ما اتّسع له صـدر محبوبـه لضـاق
القلـب نفسـه عنـد متبهـذل .. وعنـد مدلعـه

الفرق في صدق المشاعر.. والأحاسيـس الرقـاق
الله ياكم لـي وانـا منـك الوفـاق .. استطلعـه

والحين .. لا إنتي .. ولا قلبك .. ولا حتى الوفاق
آخـر حكايـة حـب وأول جـرح كنـت اتوقعـه

اللي برواق تحبنـي.. تقـدر تفارقنـي.. بـرواق
إحساسك أصلا ما يناسبنـي.. وانـا مـا انفعـه

ما دام لي مبدأ .. ولـك رغبـه بتغييـر الرفـاق
الناس قالت: من يبيعك واشتـرى غيـرك.. بعـه

لا تلحق اللي منك ما يستاهـل اسبـاب اللحـاق
إختـرت امـوت ولا يقولـون الخلايـق: إمعـه

وأخترت افارق.. والصدق يا كره كرهـي للفـراق
اصبحـت مثـل اللـي يـدوّر للجهـات الأربعـه

راح الجهات الأربع.. ومازال في نفـس النطـاق
المشكلـه .. ودّه يفضفـض ميـر كـلٍ يصفعـه

من حيث ما وجّه بوجهه .. للاسف يلقـى طـراق
الحـزن يجتاحـه وشكّـل فـي حياتـه زوبعـه

وإحساس باهمال الجميع.. يضاهي إحساس المعاق
الظاهر إن الناس في قلـب المـو اجـع مبدعـه

والظاهر إني صرت ممّن.. لا يطيق .. ولا يُطـاق
الحب.. من ذا اللي يقـول: الحـب دنيـا ممتعـه

في ذمّتي ما يقولها لو كـان ممّـا ذقـت .. ذاق
إن شاف نفس اللي اشوف.. وما سمعته يسمعـه

يختار له نار الفـراق .. ولا يجـي جنّـة عنـاق
العاشق اللي ما معـه غيـر إ نتفاضـة مدمعـه

الله يكون بعون قلبـه .. واحتراقـه .. إحتـراق
إن جيت تلقـى حالتـه حالـه وشبـه مضيّعـه

أحيان يتنفس ولكـن أغلـب الحـال .. اختنـاق
إنهد حيله.. وإنجرح .. وإحتاس فـي هالمعمعـه

محتار ما يدري على ويـش الزعـل والإنشقـاق
إنصـب تفكيـره علـى (مـاذا وراء الأقنـعـه)

مسكين كان آخـر ضحيّـه للخيانـه .. والنفـاق
الحين يا ضـدّه تكـون النـاس .. ولاّ يـا معـه

ما يعترف بالأوسطيّـه .. و الثقـه .. والإتفـاق
أرثي لحاله عندما يكتـب علـى الرمـل اصبعـه

(هذي نهاية مـا يسمّونـه .. محبّـه وإشتيـاق)
الصدمه اللي سبّبـت هالحـال .. جـدا موجعـه

أشبه بصدمة أمّـة الإسـلام فـي أرض العـراق
مجنـون ليلـى يتبـع أهـواءه .. وحنّـا نتبعـه

يعني انا وآلاف غيري .. نندرج ضمـن السيـاق
الصدق .. لو همّ الرجـل فـي كلمتيـن ٍ تقلعـه

ما تمنعه أحيان .. كلمـة (يبغـض الله الطـلاق)
السالفـه أكبـر مـن انـه يمتنـع .. او تمنعـه

ما دامت الدعوه.. مصير إنسان مربـوط بوثـاق
إن حبّ ..حـبّ.. الله يعينـه والحشـا متولعـه

من وين ما قلبه يسوقه من ورى خشمـه يسـاق
الـود ودك.. لا وصـل للوضـع هـذا .. تقنعـه

(مهما إستمر الحب.. يبقى آخر الحب .. إفتـراق)
أكبر غلط لـو شخـص متبهـذل يحـب مدلعـه

والإخت.. ما تقدر توسّع خاطره لو يـوم ضـاق

قصيدة ولا اروع كلماتها مؤثرة مررررة ..

والكلمات المؤثرة منها هي :

اقتباس :: من حيث ما وجّه بوجهه .. للاسف يلقـى طـراق
الحـزن يجتاحـه وشكّـل فـي حياتـه زوبعـه

وإحساس باهمال الجميع.. يضاهي إحساس المعاق
الظاهر إن الناس في قلـب المـو اجـع مبدعـه

والظاهر إني صرت ممّن.. لا يطيق .. ولا يُطـاق
الحب.. من ذا اللي يقـول: الحـب دنيـا ممتعـه

في ذمّتي ما يقولها لو كـان ممّـا ذقـت .. ذاق
إن شاف نفس اللي اشوف.. وما سمعته يسمعـه

يعطيك العافية ..

لا عدمناك.. Cool

الله الله

مبدع ذا الشاعر

صح الله لسانه

سلمت يمينك على النقل..
afro

» الشاعر محمد الدحيمي الشهري
» تكفا ترى تكفا تهزّ الرجاجيل.. محمد الدحيمي الشهري(اخو تكفى)
» رد الشهري على التويجري
» الشيخ عبدالرحمن ناصر الشهري - سورة الفرقان
» قصيدة للفلسطينيين ولفلسطين