تكفا ترى تكفا تهزّ الرجاجيل.. محمد الدحيمي الشهري(اخو تكفى)

القصيده المشهورة لشاعرنا محمد الدحيمي الشهري

علم العفا وعفاك .. \ يا وافي الكيل
بساطه أبشّرك .. في خيـر وعفـا
نكفي بعضنا ,, وانتكافا على الشيل
واللي تعب من الحطّ والشيل يكفـا
من ذاق حرّ القايله يعشـق الليـل
ومن شبّ ضّوه ليلة البرد .. يدفـا
لاعاد ليلٍ ٍ نمت به في حرى سهيل
وخايلت نوضٍٍ يخطف العين خطفا
امسيت من جيل ٍ ولاهوب ذا جيـل
واصبحت ... والاّ ديرتي شبه منفا
كنّا على فـال الشحـم والمعاميـل
ونفوسنا انقى من نقى العدّ .. واصفا
وانا ولو راحت بقولـة : تساهيـل
صلف وصروف الوقت تحتاج صلفا
ياترج جدّاني .. زحول الرجاجيـل
يحرم فلا لي عنك ياترج .. مقفـا
إمّا لطمنا العيل .. والاّ الطم العيـل
مادام شبّ النار منـدوب الأطفـاء
خل ابرهه الأشرم على ذمّة الفيـل
وانظر لشيٍ .... مايوصفّه وصفـا
ياذيـل والله ماتجـي راس ياذيـل
علمٍ ماهو يغبـى ولاهـوب يخفـا
واللي حمـا بيتـه بطيـرٍ ابابيـل
ماجيتـك ادوّر لمـن راح واقـفـا
ولا جيتك اطلب منك بن ٍ ولا هيـل
جيتك وجرح الظلم .. غاديه يشفـا
جيتك بكلمة .. كنّها صعقة الويـل
إن قلت تكفا ... لا تهـاون بتكفـا
تكفا .. تراها كلمةٍ تقطـم الحيـل
لا بالله الا تنسـف الحيـل نسـفـا
تكفا .. ماهـي لمعقبيـن الفناجيـل
تكفا لصلف وعـادة القـرم صلفـا
تكفا .. ترى تكفا لها هدرة السيـل
في صدر حرًّ .. ينتف الطيب نتفـا
تكفا .. ترى تكفا لها تسرج الخيـل
إن كان لك باالخيل سرج ٍ و عسفا
تكفـا .. تبيّـن كـلّ لاشٍ وحليـل
تسمع لها بالصـدر هبـدٍ ورجفـا
تكفا .. وتكفـا ماتسـاق لمهابيـل
تكفا .. تخلي القـرم لاشٍ وهطفـا
تكفا .. تجنّبني هل القـال والقيـل
مانيب من ينكف علـى كـل ملفـا
تكفا .. تراني من قروم ٍ مشاكيـل
حمّاية الساقـه .. بسيـفٍ وشلفـا
تكفا .. ترى تكفا تـذّل الرجاجيـل
ولولا صروف الوقت ماقلت .. تكفا

منقول

تكفا ترى تكفا تهزّ الرجاجيل.. محمد الدحيمي الشهري(اخو تكفى) 22S

تكفا ترى تكفا تهزّ الرجاجيل.. محمد الدحيمي الشهري(اخو تكفى) 22S

يعطيك الف عافيه

وغني عن التعريف ذا الشاعر..

الله يعافيك
وصح لسان الشاعر الروعه
تكفا ترى تكفا تهزّ الرجاجيل.. محمد الدحيمي الشهري(اخو تكفى) 875505

يسلمو ع الشعر الروعه ..

Very Happy

الله يسلمك
والرائع مرورك
تكفا ترى تكفا تهزّ الرجاجيل.. محمد الدحيمي الشهري(اخو تكفى) 875505

» الشاعر محمد الدحيمي الشهري
» قصيدة يا مدلـعـه للشاعر محمد الشهري...
» رد الشهري على التويجري
» الشيخ عبدالرحمن ناصر الشهري - سورة الفرقان